Әдістемелік бірлестік жұмысы аясында бастауыш сынып мұғалімдерінің «Сабақтың тиімділігін арттыру мақсатында мұғалімнің қызметінде жасанды интеллектті пайдалану» тақырыбында отырысы өтті.

Отырыс барысында педагогтер бастауыш мектептің білім беру үдерісінде жасанды интеллект құралдарын қолдану мүмкіндіктерін қарастырды. Сабаққа дайындық кезінде, дидактикалық материалдар мен әртүрлі деңгейдегі тапсырмаларды әзірлеуде, сондай-ақ білім алушылармен жеке және сараланған жұмысты ұйымдастыруда жасанды интеллектті пайдалану мәселелеріне ерекше назар аударылды. Мұғалімдер практикалық тәжірибелерімен бөлісіп, оқушылардың оқу мотивациясын арттыру және білім сапасын жақсарту мақсатында ЖИ-технологияларын енгізу перспективаларын талқылады.

Отырыстың екінші бөлімі I жартыжылдықтағы жұмыс қорытындыларын шығаруға арналды. Білім алушылар мен педагогтердің әртүрлі деңгейдегі байқауларға, олимпиадаларға, шығармашылық және зияткерлік іс-шараларға қатысу нәтижелері талданды. Сыныптардың мектепішілік және мектептен тыс байқауларға белсенді қатысуы, сондай-ақ оқушылардың оң жетістіктері атап өтілді.
Отырыс қорытындысы бойынша әдістемелік бірлестіктің алдағы жұмыс бағыттары айқындалып, екінші жартыжылдыққа арналған міндеттер белгіленді және білім беру үдерісінде заманауи цифрлық және жасанды интеллект технологияларын одан әрі қолдану бойынша ұсынымдар берілді.

21–25 сәуір аралығында бастауыш сынып апталығы өтті

Мақсаты: Бастауыш сынып оқушыларының білімге деген қызығушылығын арттыру, шығармашылық қабілеттерін дамыту, танымдық және логикалық ойлау дағдыларын жетілдіру, сондай-ақ сыныптан тыс іс-шаралар арқылы олардың белсенділігін көтеру.

Апталық барысында мектебімізде түрлі ашық сабақтар мен сыныптан тыс іс-шаралар ұйымдастырылды. Оқушылар белсенділік танытып, өз білімдерін ортаға салды.

Олар ребустар мен сөзжұмбақтар шешіп, логикалық тапсырмаларды орындады, танымдық ойындарға қатысты. Бұл іс-шаралар балалардың ой-өрісін кеңейтіп, шығармашылық қабілеттерін дамытуға ықпал етті.

Мұғалімдер мен оқушылар бірлесе отырып, апталықты қызықты әрі мазмұнды түрде өткізді.