Шал ақын ауданы Аналар кеңесі ұйымдастырған «Жауапты әке – бақытты жанұя» аудандық әкелер байқауы туралы Ережеге сәйкес, байқау Букетов–Шайкин атындағы мектеп базасында өтті.

Байқаудың мақсаты — жауапты әкелік бейнені қалыптастыру, отбасылық құндылықтарды нығайту және өсіп келе жатқан ұрпақты тәрбиелеудегі әкенің рөлін арттыру.

Біздің мектептен байқауға ағылшын тілі пәнінің мұғалімі Кабиев Мади Карипбекұлы қатысты. Байқау барысында ол Ережеде көзделген барлық кезеңдерден сәтті өтті:

— отбасының таныстыру визиткасы;

— әкенің рөліне арналған өмірлік жағдайларды талдауға негізделген зияткерлік конкурс;

— қазақ халқының салт-дәстүрі мен мұрасын білуге арналған «Бабадан қалған тағылым» викторинасы;

— «Әке мен бала – бір шебер» шығармашылық байқауы.

Барлық номинациялар бойынша Кабиев Мади Карипбекұлы сахна мәдениетінің жоғары деңгейін, эрудициясын, баламен белсенді өзара әрекеттестігін, жауапкершілігін, сондай-ақ өзіндік ерекшелігі мен шығармашылық көзқарасын көрсетті.

Байқау қорытындысы бойынша ол жеңімпаз атанып, I орынды иеленді. Бұл жетістік әкенің отбасындағы және бала тәрбиесіндегі маңызды рөлін тағы бір мәрте дәлелдеді.

Мади Карипбекұлын лайықты жеңісімен шын жүректен құттықтаймыз! Алдағы уақытта толағай табыс, мықты денсаулық пен жаңа жетістіктер тілейміз!