10 қыркүйек күні Приишим орта мектебінде Тілдер апталығы аясында мектебімізде 8–9 сынып оқушылары арасында «Тіл білгірлері» атты танымдық викторина өткізілді.

Мақсаты: оқушылардың тіл біліміне деген қызығушылығын арттыру, қазақ тілінің мәртебесін насихаттау, тілдік білімдерін бекіту, сөздік қорын молайту, логикалық ойлау қабілеттерін дамыту, сондай-ақ ұлы ақын-жазушылардың өмірі мен шығармашылығын дәріптеу.

Викторина барысында оқушылар ұлы ақын-жазушылардың өмір жолы мен шығармашылығына қатысты сұрақтарға жауап беріп, өз білімдерін көрсетті. Сонымен қатар тіл, әдебиет, мақал-мәтелдер, сөз мағынасы мен тіл мәдениетіне байланысты қызықты тапсырмалар орындады.

Іс-шара барысында оқушылар белсенділік танытып, білімдерін ортаға салды. Викторина қызықты әрі мазмұнды өтіп, оқушылардың тіл мен әдебиетке деген қызығушылығын арттыруға ықпал етті.