2026 жылғы 25 сәуірде «Приишим орта мектебі» КММ-де «Таза Қазақстан» экологиялық акциясы аясында мектеп аумағын абаттандыру және санитарлық жағдайын жақсартуға бағытталған жалпы республикалық сенбілік өткізілді.

Іс-шараға мектеп әкімшілігі, педагогикалық ұжым, техникалық қызметкерлер және шағын орталықтың қызметкерлері қатысты. Сенбілік барысында мектеп аумағын тазалау және ретке келтіру бойынша ауқымды жұмыстар атқарылды: қоқыстар, құрғақ жапырақтар мен бұтақтар жиналды, жолдар сыпырылды, ағаштар әктелді.

Сенбілікке қатысушылар ұйымшылдықпен, үлкен ынтамен жұмыс істеп, белсенді азаматтық ұстанымдарын және қоршаған ортаға деген жауапкершілікпен қарауын көрсетті.