«Приишим орта мектебі» КММ базасында отбасылық құндылықтарды нығайтуға, салауатты өмір салтын насихаттауға және ата-аналар мен балалар арасындағы ынтымақтастықты дамытуға бағытталған «Отбасы — бір команда» атты спорттық жарыстар өтті.

Жарысқа мектеп оқушыларының отбасылары қатысып, түрлі спорттық эстафеталар мен сайыстарда үлкен ынтамен бақ сынасты. Қатысушылар ептілік, ұйымшылдық, өзара көмек пен командалық рухтарын көрсетті. Жанкүйерлер командаларды белсенді қолдап, мерекелік әрі достық атмосфера қалыптастырды.

Іс-шара барлық қатысушыларға сергектік сыйлап, көтеріңкі көңіл күй сыйлады және отбасының қолдау, сенім мен бірлік маңызды орын алатын нағыз команда екенін тағы бір мәрте дәлелдеді.