«АДАЛ АЗАМАТ» БІРТҰТАС ТӘРБИЕ БАҒДАРЛАМАСЫ ШЕҢБЕРІНДЕ ЭССЕ

БАЙҚАУЫ

Мақсаты: білім алушылардың өз білімдері мен іс-әрекеттерін ел дамуына, «Адал азамат» біртұтас тәрбие бағдарламасына қосқан үлесі ретінде бағалап, болашаққа саналы мақсаттар мен жоспар құруына ықпал ету.

Міндеттері:

Білім алушылардың 2024-2025 оқу жылындағы жетістіктерін талдау;

Білім алушылардың өз іс-әрекетін рефлексиялау, сыни ойлау дағдыларын дамыту.

Қазақстан Республикасы Оқу-ағарту министрінің 2024 жылғы 30 шілдесіндегі №194 бұйрығына және «Біртұтас тәрбие» бағдарламасының 2-қосымшасындағы жоспарға сәйкес, мамыр айының төртінші аптасында мектебімізде «Білімім – Отаныма!» атты сынып сағаттары өткізілді.

Аталған іс-шара аясында оқу жылын қорытындылап, жазғы демалыс уақытын тиімді жоспарлау, оқушылардың өзіндік рефлексия жүргізуі және сыни ойлау дағдыларын дамыту мақсатында барлық сыныптар арасында эссе жазу байқауы ұйымдастырылды.

Қысқаша нәтижелер:

Байқауға 1-11 сыныптар аралығындағы оқушылар қамтылды.

Оқушылардың жұмыстары мазмұнына, құрылымына және ой тұжырымдарының нақтылығына қарай бағаланды.

Ең үздік жұмыстар іріктеліп, марапатталады.

Атап айтсақ, ең үздік жұмыс иегерлері:

2 "Б" сынып оқушысы Аманбаева Ерке,

6"А" сынып оқушысы Қаби Мағжан,

9 "А" сынып оқушысы Жұматай Ақерке,

10 "А" сынып оқушысы Әйіп Жолболды,

10 "Б" сынып оқушысы Умурзакова Аида.

Іс-шара оқушылардың шығармашылық қабілеттерін дамытып, отансүйгіштік сезімдерін арттыруға ықпал етті.